સુરેન્દ્રનગર જીલ્લા LCB ટીમ દ્વારા ધ્રાંગધ્રા તાલુકામાં પેટ્રોલિંગ હાથ ધરવામાં આવ્યું હતું. જે દરમિયાન માલવણ તરફથી આવતી એક કારમાં ઈંગ્લીશ દારૂ હોવાની બાતમીના આધારે હાઈવે પર કુડા ચોકડી પાસે વોચ ગોઠવી હતી. જે દરમિયાન શંકાસ્પદ હાલતમાં કાર નીકળતા તેને રોકતા કાર ચાલકે ફુલ સ્પીડમાં કાર ચલાવી નાશી છૂટવાનો પ્રયાસ કરતા કારનો ફિલ્મી ઢબે પીછો કરી કુડા ચોકડી પાસે કારને રોકી હતી.
જેમાં સવાર ત્રણ શખ્સો પોલીસને જોઈને કાર મુકી નાશી છુટયા હતા ત્યારબાદ કારની તલાશી લેતા તેમાંથી ઇંગ્લિશ દારૂની નાની બોટલ ૨૪૪૮ નંગ કિંમત રૂ.૫,૩૨,૧૨૮ તથા કાર કિંમત રૂ.૪,૦૦,૦૦૦ સહિત ફૂલ રૂ.૯,૩૨,૧૨૮નો મુદામાલ કબજે કર્યો હતો અને નાશી છૂટેલ શખ્સ રાહુલ ઉર્ફે ભૂરો રમેશભાઈ મહાલિયા, બે અજાણ્યા શખ્સો તથા કાર માલિક અને ઈંગ્લીશ દારૂ મોકલનાર સહિત પાંચ શખ્સો વિરુધ પોલીસે મથકે પ્રોહીબિશન એક્ટ હેઠળ ગુનો નોંધી કાર્યવાહી હાથ ધરી છે. આ સમગ્ર કામગીરીમાં LCB પી.આઈ. જે.જે.જાડેજા, પીએસઆઇ જે.વાય.પઠાણ, પેરોલ ફર્લો સ્ક્વોડના પીએસઆઈ એન.એ.રાયમા સહિત સ્ટાફના આસલમખાન મલેક, દશરથભાઈ ધાંધર, સંજયભાઈ પાઠક, પ્રતાપભાઈ ખાચર સહિતનાઓ જોડાયા હતા.
