સુરેન્દ્રનગરના જોરાવરનગર પોલીસને મોટી સફળતા મળી છે. અમદાવાદ–રાજકોટ નેશનલ હાઇવે પર વસ્તડી ગામ નજીક ચેકિંગ દરમિયાન એક ટેન્કરમાંથી મોટા પ્રમાણમાં ઇંગ્લિશ દારૂ ઝડપી પાડવામાં આવ્યો છે. જેમાં પોલીસ દ્વારા હાથ ધરાયેલી કાર્યવાહી દરમિયાન ટેન્કરમાંથી કુલ ૭૩૮૦ બોટલ ઇંગ્લિશ દારૂ જપ્ત કરવામાં આવ્યો હતો, જેની અંદાજીત કિંમત રૂ. ૯૫.૯૪ લાખ થાય છે. ઉપરાંત, ટેન્કર (રૂ. ૩૦ લાખ) અને મોબાઇલ સહિત કુલ રૂ. ૧.૨૫ કરોડનો મુદ્દામાલ કબજે કરવામાં આવ્યો છે. આ મામલે ટેન્કર ચાલક ઘેવરચંદ કાનારામ જાગુને ઝડપી પાડી તેની સામે પ્રોહિબિશન અધિનિયમ હેઠળ ગુનો નોંધી કાયદેસરની કાર્યવાહી હાથ ધરવામાં આવી છે. જ્યારે પોલીસ તપાસમાં દારૂ ભરાવનાર, મોકલનાર અને મંગાવનાર વ્યક્તિઓ ઘટના સ્થળે હાજર મળી આવ્યા નહોતા તેથી તેઓ સામે પણ ગુનો નોંધી પોલીસે વધુ તપાસ શરૂ કરી છે. આ કામગીરીમાં પ્રો.એએસપી કરણકુમાર પન્ના, પીએસઆઇ એમ.આર.ગોહિલ સહિત સ્ટાફના રવિભાઈ, ઘનશ્યામભાઈ, અશોકસિંહ, હરદેવસિંહ, દશરથસિંહ, હિતેન્દ્રસિંહ, વિજયસિંહ, યુવરાજસિંહ, મેહુલભાઈ સહિતનાઓ જોડાયા હતા.
