રાજકોટ રેન્જ IG નિર્લિપ્ત રાયની ટીમે સાયલા તાલુકામાંથી નકલી DYSP બની લોકો સાથે છેતરપિંડી કરનાર એક શખ્સને ઝડપી પાડી કાયદેસરની કાર્યવાહી હાથ ધરી છે. જે અંગે મળતી માહિતી મુજબ રાજકોટ રેન્જ IG ની ટીમ દ્વારા સાયલા તાલુકામાં પેટ્રોલિંગ હાથ ધર્યું હતું જે દરમ્યાન સાયલા-સુદામડા ચોકડી પાસે થી DYSP તરીકેની ખોટી ઓળખ ઉભી કરી સાયબર ક્રાઈમ સહિત વિવિધ રીતે લોકો સાથે છેતરપિંડી આચરનાર સોહિલખાન બિસ્મિલ્લાહખાન પઠાણ રહે. સાયલા વાળાને રાજકોટ રેન્જ IG ની ટીમ દ્વારા ઝડપી પાડવામાં આવ્યો હતો. વધુ તપાસ દરમિયાન આરોપીએ આર્થિક લાભ મેળવવાના હેતુથી DYSP તરીકેની ખોટી ઓળખ ઉભી કરી હોવાનું સામે આવ્યું હતું તેમજ બનાવટી ફોટા, નકલી આઈકાર્ડ સહિતના ખોટા દસ્તાવેજો તૈયાર કરી તેને સોશિયલ મીડિયામાં પણ તે ડોક્યુમેન્ટ અને ફોટાઓ અપલોડ કર્યા હોવાનું બહાર આવ્યું હતું. હાલ તો પોલીસે આરોપી સામે ગુનો નોંધી વધુ તપાસ હાથ ધરી છે પરંતુ નકલી DYSP પોલીસ બેડામાં પણ ચકચાર મચી જવા પામી છે.
– Viren Dangrecha.
