ચુડા તાલુકાના નાગનેશ ગામની સીમમાં છેલ્લા એક અઠવાડિયા કરતા પણ વધુ સમયથી દીપડો દેખાવાથી સ્થાનિક ગ્રામજનો સહિત ખેડુતોમાં ભયનો માહોલ જોવા મળી રહ્યો હતો. જે અંગે સ્થાનિક આગેવાન અને ગામના સરપંચ સહિતનાઓએ વન વિભાગની ટીમને જાણ કરી હતી. આથી રાણપુર ફોરેસ્ટ વિભાગની ટીમ દ્વારા ઘટના સ્થળે પહોંચી નાગનેશ ગામની વાડી વિસ્તારમાં પાંજરું મુકી દીપડાને પકડવાની કાર્યવાહી હાથ ધરવામાં આવી હતી અને દીપડાને પાંજરામાં સુરક્ષિત રીતે પકડી પાડ્યો હતો. જ્યારે વન વિભાગની ટીમ દ્વારા દીપડાનું સફળ રેસ્ક્યુ થતાં ગ્રામજનો અને ખેડૂતોમાં રાહતની લાગણી જોવા મળી હતી. અત્રે ઉલ્લેખનીય છેકે છેલ્લા એક અઠવાડિયા કરતા પણ વધુ સમય થી ચુડા તાલુકામાં દીપડાએ દેખા દેતા ગ્રામજનો અને ખેડૂતોમાં ભયનો માહોલ છવાયો હતો અને ખેતરે જતા પણ ડર અનુભવી રહ્યા હતા ત્યારે વન વિભાગની ટીમે દીપડાને પાંજરે પુરતા હવે હાશકારો થયો છે.
-Viren Dangrecha.
