સુરેન્દ્રનગર, તા.૧૬ મે ૨૦૨૬,
સુરેન્દ્રનગર જીલ્લા પોલીસ વડા એસ.પી. પ્રેમસુખ ડેલુ દ્વારા એ-ડિવિઝન પોલીસ મથકમાં ફરજ બજાવતા પીએસઆઈ બી.કે. મારુડાને સસ્પેન્ડ કરવામાં આવતા ચકચાર મચી જવા પામી છે. જે અંગે મળતી માહિતી મુજબ PSI દ્વારા કોર્ટમાં ચાર્જશીટ રજૂ કરવામાં બેદરકારી દાખવવામાં આવી હતી તેમજ કેસની તપાસ દરમિયાન ગંભીર ક્ષતિઓ સામે આવી હતી. આ મામલે જીલ્લા પોલીસ વડા દ્વારા કડક વલણ અપનાવી ફરજમાં બેદરકારી બદલ પીએસઆઈ બી.કે. મારુડાને સસ્પેન્ડ કરવાની કાર્યવાહી હાથ ધરવામાં આવી છે. આ કાર્યવાહી બાદ સમગ્ર જીલ્લા પોલીસ બેડામાં ખળભળાટ મચી જવા પામ્યો હોવાનું ચર્ચાઈ રહ્યું છે. એસ.પી. પ્રેમસુખ ડેલુ દ્વારા કરવામાં આવેલી કડક કાર્યવાહી બાદ અન્ય પોલીસ અધિકારીઓ અને કર્મચારીઓમાં પણ ફફડાટ જોવા મળી રહ્યો છે.
– Viren Dangrecha.
