સાયલાના સુદામડા ગામની સીમમાંથી ગેરકાયદેસર બ્લેક સ્ટોનનું ખનન સહિત ફૂલ રૂ.3.40 કરોડનો મુદામાલ ઝડપાયો….

સુરેન્દ્રનગર જીલ્લાના સાયલા તાલુકામાં ગેરકાયદેસર ખનન સામે રાજકોટ રેન્જ IG નિર્લિપ્ત રાયની ટીમે મોટી કાર્યવાહી હાથ ધરી હતી. સાયલાના સુદામડા ગામની સીમમાં આવેલ અલગ અલગ બે ખાણોમાંથી બ્લેક સ્ટોન ખનીજ સંપત્તિનું ગેરકાયદેસર ખનન કરતા બે શખ્સોને ઝડપી પાડવામાં આવ્યા હતા. જે દરોડા દરમિયાન સ્થળ પરથી બ્લેક સ્ટોન ભરેલ ૦૯ ડમ્પર, ૦૪ હિટાચી મશીન સહિત કુલ રૂ.3.40 કરોડનો મુદામાલ કબજે કરવામાં આવ્યો હતો. આ મામલે ગેરકાયદેસર ખનન સાથે સંકળાયેલા બે ભૂમાફિયા સહિત કુલ 04 શખ્સો સામે આગળની કાર્યવાહી હાથ ધરવા સ્થાનિક પોલીસ તેમજ ખાણ-ખનીજ વિભાગની ટીમને જાણ કરવામાં આવી હતી. રાજકોટ રેન્જ આઈજીની ટીમ દ્વારા મોટા પ્રમાણમાં ગેરકાયદેસર બ્લેક સ્ટોનનું ખનન ઝડપાતા સ્થાનિક તંત્રની કામગીરી સામે અનેક સવાલો ઉભા થયા છે. સ્થાનિક સ્તરે લાંબા સમયથી ચાલતા ગેરકાયદેસર ખનન અંગે તંત્ર અજાણ હતું કે પછી આંખ આડા કાન કરવામાં આવ્યા હતા તે મુદ્દે પણ ચર્ચાઓ તેજ બની છે.

– Viren Dangrecha.