સુરેન્દ્રનગર અને વઢવાણ શહેરી વિસ્તારમાં કારના સાયલેન્સરની ચોરી કરતી ગેંગ સક્રિય થઈ હોવાની ફરિયાદો ઉઠવા પામી છે અને મોટાભાગે અલગ અલગ વિસ્તારોમાંથી ઈકો કારના સાયલેન્સરની ચોરીના બનાવો વધુ બનતા હોવાથી પોલીસ દ્વારા પણ આ અંગે ગંભીરતા દાખવી આ ગેંગને ઝડપી પાડવા પેટ્રોલિંગ હાથ ધર્યું હતું. જેમાં સુરેન્દ્રનગર એ-ડિવિઝન પોલીસે રાત્રિના સમયે દાળમીલ રોડ પાસેથી ઈકો કારના સાયલેન્સરની ચોરી કરી અમુક શખ્સો રિવરફ્રન્ટ રોડ પર થી પસાર થવાના હોવાની બાતમીના આધારે પોલીસે વોચ ગોઠવી શંકાસ્પદ હાલતમાં કાર પસાર થતા તેની તલાશી લેતા તેમાંથી કારના સાયલેન્સર સાથે ચાર શખ્શોને ઝડપી લીધા હતા. જેની પૂરછપરછ કરતા ઈકો કારના સાયલેન્સરની ચોરી કરી હોવાની કબુલાત કરી હતી. તેમજ તલાશી દરમિયાન ઈકો કારના ૦૪ સાયલેન્સર કિંમત રૂ.૧,૬૦,૦૦૦, કાર કિંમત રૂ.૪,૦૦,૦૦૦ સહિત ફૂલ રૂ.૫,૬૦,૦૦૦ નો મુદામાલ કબજે કર્યો હતો અને ઝડપાયેલ ચાર શખ્સો (૧) સલીમશા ઈસુબશા દિવાન, રહે.હાલ સુડવેલ, વઢવાણ (૨) મોહીનહુશેન ઉર્ફે ભાણો મુનાફભાઈ વોરા, રહે.ધોળકા (૩) જમીલઅહેમદ ઉર્ફે બાબુ અલારખા મોરી, રહે.ધોળકા અને (૪) મહમદઆશિફ ઉર્ફે મટન મહંમદસિદ્દીક શેખ, રહે.ધોળકા વાળાને ઝડપી પાડી કાયદેસરની કાર્યવાહી હાથ ધરી છે. આ સમગ્ર કામગીરીમાં SP પ્રેમસુખ ડેલુ અને ASP વેદિકા બિહાનીના માર્ગદર્શન હેઠળ સીટી પીઆઈ આર.એમ.સંગાડા તેમજ સ્ટાફના ધનરાજસિંહ વાધેલા, વિજયસિંહ પરમાર, રાજદિપસિંહ ડોડીયા, મહાવીરસિંહ બારડ, ધવલસિંહ સિસોદીયા, રાજુભાઈ પઢેરીયા, પ્રેમજીભાઇ પારધી તેમજ સુરેન્દ્રનગર નેત્રમ કમાન્ડ એન્ડ કંટ્રોલ ટીમ દ્વારા સફળ કામગીરી કરી હતી.
સુરેન્દ્રનગર મહાનગરપાલિકાની આવનારી ચૂંટણીને લઈને રાજકીય માહોલ ગરમાયો છે. વોર્ડ નંબર ૦૩ અને ૦૪ના અપક્ષ…
વઢવાણ ગણપતિ ફાટસર મંદિર ખાતે આગામી તા.૨૦ એપ્રિલને સોમવારના રોજ દર વર્ષની પરંપરા મુજબ શ્રી…
ધ્રાંગધ્રા-માલવણ હાઈવે પર ટ્રકમાં અચાનક આગ લાગતા અફરાતફડીનો માહોલ સર્જાયો હતો. હાઈવે પર હરીપર બ્રિજ…
સુરેન્દ્રનગર જીલ્લામાં સ્થાનિક સ્વરાજયની ચુંટણી પહેલા જ આમ આદમી પાર્ટીને મોટો ફટકો પડ્યો છે. જેમાં ગુજરાત…
સુરેન્દ્રનગર LCB પોલીસે પાટડી તાલુકામાંથી મોટા પ્રમાણમાં ઈંગ્લીશ દારૂનો જથ્થો ઝડપી પાડતા ચકચાર મચી જવા…