સુરેન્દ્રનગર LCB પોલીસે આણંદપુર ગામની સીમમાં વાડીના ખાડામાં દાટીને સંતાડેલ ઈંગ્લીશ દારૂ ઝડપી પાડ્યો

સુરેન્દ્રનગર જીલ્લામાં ઈંગ્લીશ દારૂની હેરાફેરી અને કટીંગના બનાવો વધી રહ્યા છે ત્યારે સુરેન્દ્રનગર LCB પોલીસે ચોટીલા તાલુકામાં પેટ્રોલિંગ દરમિયાન બાતમીના આધારે આણંદપુર પોલીસ મથકની હદમાં આણંદપુર ગામની સીમમાં થી ઈંગ્લીશ દારૂ સહિતનો મુદામાલ કબજે કર્યો હતો જ્યારે હાજર મળી નહિ આવેલ શખ્સ સામે ગુન્હો નોંધી કાયદેસરની કાર્યવાહી હાથ ધરી છે. આ અંગે પોલીસ સુત્રો પાસેથી મળતી માહિતી મુજબ LCB પોલીસે ચોટીલા તાલુકામાં પેટ્રોલિંગ હાથ ધર્યું હતું જે દરમિયાન બાતમીના આધારે આણંદપુર ગામની સીમમાં આવેલ વાડી પાસે જમીનમાં ખાડો કરીને દાટીને સંતાડેલ ઈંગ્લીશ દારૂની નાની બોટલો નંગ ૨૧૬૦ કિંમત રૂ.૫,૯૪,૦૦૦ નો મુદામાલ કબજે કર્યો હતો. જ્યારે રેઇડ દરમિયાન હાજર મળી નહિ આવેલ શખ્સ સાહિલભાઈ ઇદ્રિશભાઈ ભટ્ટી, રહે.આણંદપુર વાળા સામે સ્થાનિક પોલીસ મથકે પ્રોહીબિશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.આ સમગ્ર કામગીરીમાં LCB પી.આઈ. જે.જે.જાડેજા, પીએસઆઇ જે.વાય.પઠાણ, પેરોલ ફર્લો સ્ક્વોડના પીએસઆઈ એન.એ.રાયમા સહિત સ્ટાફના પ્રવિણભાઈ કોલા, દેવરાજભાઈ જોગરાજીયા, વજાભાઈ સાનિયા, મેહુલભાઈ મકવાણા સહિતનાઓ જોડાયા હતા.