રાજકોટ રેન્જના આઈજી નિર્લિપ્ત રાયની ટીમ દ્વારા ચોટીલા તાલુકામાંથી મોટા પ્રમાણમાં ઈંગ્લીશ દારૂ સહિતનો મુદામાલ કબજે કરવામાં આવ્યો હતો. ચોટીલા તાલુકાના ખેરાણા ગામની સીમમાં આવેલી એક વાડીમાં દરોડો પાડી પોલીસે ઈંગ્લીશ દારૂનો જથ્થો ઝડપી પાડ્યો હતો. જે દરોડા દરમિયાન ઈંગ્લીશ દારૂની નાની બોટલો નંગ ૩૬૦૦, કુલ કિંમત રૂ. ૩.૬૦ લાખ તથા એક ટુ-વ્હીલર કિંમત રૂ. ૪૦ હજાર મળી કુલ રૂ. ૦૪ લાખનો મુદામાલ કબજે કરવામાં આવ્યો હતો. જ્યારે પોલીસ કાર્યવાહી દરમિયાન સ્થળ પરથી કેટલાક શખ્સો નાસી છૂટ્યા હોવાનું જાણવા મળ્યું છે. ઉપરાંત, દારૂનો જથ્થો ભરી આપનાર તેમજ મંગાવનાર શખ્સો સામે પણ ચોટીલા પોલીસ મથકે પ્રોહીબિશન એક્ટ હેઠળ ગુનો નોંધવામાં આવ્યો છે. મહત્વનું એ છે કે સ્થાનિક પોલીસને અંધારામાં રાખી રાજકોટ રેન્જ આઈજીની ટીમ દ્વારા આ રેઇડ કરવામાં આવતા સ્થાનિક પોલીસની કામગીરી સામે અનેક સવાલો ઊભા થયા છે. સ્થાનિક વિસ્તારમાં દારૂનો આટલો મોટો જથ્થો હોવા છતાં સ્થાનિક પોલીસ અજાણ કેમ રહી તે મુદ્દે ચર્ચાઓ હાલ તેજ બની છે. આ સમગ્ર કામગીરીમાં પી.આઈ અપૂર્વ પટેલ, પીએસઆઈ પી.એન.મોરી, બી.સી.મિયાત્રા, સી.એમ. કાંટેલીયા, યોગરાજસિંહ ચુડાસમા, ધર્મેન્દ્રસિંહ વાઘેલા, કુલદીપસિંહ ચુડાસમા, અતુલભાઈ ડાભી, ફતેસિંહ પરમાર, દિનેશભાઈ ગઢવી સહિતનાઓ જોડાયા હતા.
સુરેન્દ્રનગર જીલ્લામાં સ્થાનિક સ્વરાજ્યની ચુંટણીમાં ભાજપનો ભગવો લહેરાયો છે. સુરેન્દ્રનગર મહાનગરપાલિકાથી લઈને જીલ્લા પંચાયત, તાલુકા…
સુરેન્દ્રનગર જીલ્લામાં ગત તા.૨૬ એપ્રિલના રોજ સ્થાનિક સ્વરાજ્યની ચુંટણી માટે મતદાન પ્રક્રિયા હાથ ધરવામાં આવ્યા…
સુરેન્દ્રનગર જીલ્લા પંચાયત અને ચુડા તાલુકા પંચાયતની ચૂંટણી પ્રક્રિયા દરમિયાન એક મતદાન મથક પર ટેકનિકલ…
સ્થાનિક સ્વરાજ્યની ચૂંટણી દરમિયાન કાયદો અને વ્યવસ્થાની સ્થિતિ જળવાઈ રહે અને કોઈ અનિચ્છનીય બનાવ ન…
લીંબડી તાલુકા પંચાયતના પૂર્વ પ્રમુખ વિરુદ્ધ પક્ષ વિરોધી પ્રવૃત્તિઓના આક્ષેપોને લઈ જીલ્લા ભાજપ દ્વારા કડક…
મુળી તાલુકાના માનપર ગામે સમસ્ત કોળી ઠાકોર સમાજ દ્વારા સ્થાનિક સ્વરાજ્યની ચૂંટણીઓને ધ્યાનમાં રાખી ભવ્ય…