સુરેન્દ્રનગર જીલ્લા પંચાયત અને ચુડા તાલુકા પંચાયતની ચૂંટણી પ્રક્રિયા દરમિયાન એક મતદાન મથક પર ટેકનિકલ ખામી સર્જાઈ હતી. જેમાં (૨-ચુડા-૧) સુરેન્દ્રનગર જીલ્લા પંચાયત મતદાર વિભાગ અને (૬-ચુડા-૧) તાલુકા પંચાયત મતદાર વિભાગ હેઠળ આવતા જેપર ગામના મતદાન મથક નં. ૪/૫ (નવી પ્રાથમિક શાળા, રૂમ નં. ૧, નવી પંચાયત, જેપર) ખાતે EVMના કંટ્રોલ યુનિટ (CU) અને બેલેટ યુનિટ (BU)માં ટેકનીકલ ખામી ઉભી થતા મતદાન પ્રક્રિયામાં વિક્ષેપ થતા મતદાન થઈ શક્યું નહોતું. આથી ચૂંટણી અધિકારી દ્વારા તાત્કાલિક ધોરણે રાજ્ય ચૂંટણી આયોગ સમક્ષ મતદાન મથક પર પુનઃમતદાન યોજવા માટેની માંગ કરવામાં આવી હતી. જેને ધ્યાને લઈને રાજ્ય ચૂંટણી આયોગ દ્વારા પરિસ્થિતિને ધ્યાને લઈને માંગ ગ્રાહ્ય રાખીને જેપર ગામના આ મતદાન મથક પર પુનઃમતદાન માટેની મંજૂરી આપવામાં આવી છે. જેના ભાગરૂપે આજે તા.૨૭ એપ્રિલને સોમવારના રોજ જેપર મતદાન મથક (નવી પ્રાથમિક શાળા, રૂમ નં. ૧) ખાતે ફરી મતદાન યોજાશે. જે પુન:મતદાનનો સમય સવારના ૦૭:૦૦ કલાકથી સાંજના ૦૬:૦૦ કલાક સુધીનો રાખવામાં આવ્યો છે. આથી આ વિસ્તારના તમામ મતદારો અને જાહેર જનતાને આ ફેરફારની ખાસ નોંધ લેવા અને નિયત સમયે મતદાન મથક પર પહોંચીને પોતાના મતાધિકારનો ઉપયોગ કરવા જીલ્લા વહીવટી તંત્ર દ્વારા અપીલ કરવામાં આવી છે.
સુરેન્દ્રનગર જીલ્લા પંચાયતમાં વિવિધ સમિતિઓના ચેરમેનોની વરણીને લઈને રાજકીય માહોલ ગરમાયો છે. જેમાં ચેરમેનોની વરણી…
ચુડા તાલુકાના ચોકડી ગામના વતની અને હાલ અમદાવાદના બોપલ વિસ્તારમાં રહેતા મહાવીરસિંહ સિંધવનું ફ્લેટના ચોથા…
ધ્રાંગધ્રા : તાલુકાના કોંઢ ગામે પાવરગ્રીડ કંપની દ્વારા ચાલી રહેલ વીજ ટ્રાન્સમિશન લાઇનની કામગીરીના વિરોધમાં…
સુરેન્દ્રનગર મહાનગરપાલિકામાં ભાજપની ભવ્ય જીત બાદ પ્રથમ મેયર, ડેપ્યુટી મેયર સહિતના હોદેદારોની સર્વાનુમતે વરણી કરવામાં…
રાજકોટ રેન્જ IG નિર્લિપ્ત રાયની ટીમે સાયલા તાલુકામાંથી નકલી DYSP બની લોકો સાથે છેતરપિંડી કરનાર…
સુરેન્દ્રનગર જીલ્લા પોલીસ દ્વારા સરકારી અધિકારીઓની રેકી કરી ભૂમાફિયાઓને વોટ્સઅપ ગ્રુપ મારફતે માહિતી પહોંચાડતા ૨૪…